خود کی تلاش میں
خود کی تلاش میں ۔۔۔۔۔کبھی کبھی آپ کو کچھ عجیب کرنے کو چاہتا ہے ۔کچھ ایسا کہ آپ خود حیران ہو جائیں ۔ ہمارا دل بھی عجیب ہی ہے ۔جب جو کرنا چاہیۓ وہ نیہں کرتا اور جو نہیں کرنا چاہیۓ وہ کر گذرتا ہے ۔اب اسے کیا پڑی تھی کہ وہ ہمیں تلاش کرنے نکل پڑتا ۔مگر نہیں وہ ہمارا دل تھا سو حضرت نکل پڑے ۔جانے کن کن جنگلوں کی خاک چھانی ۔اور کونسے کونسے دریا عبور کیۓ۔ مگر اسے کچھ خاک نا ملا ۔ساری دنیا چھان ماری ۔مگر ہاے ری قسمت اسے ہم ملے ہی نہیں ۔ ہم اسے کہاں ملتے کہ ہم تو اپنے آپ کو کھوج رہے تھے ۔ہمیں خود کی ہی تلاش تھی ۔ جب ہم اپنی خودی کو تلاش کر رہے تھے تو دل نے کہا محترمہ ۔آپ دنیا کی رنگینیوں میں کھو گئیں ہیں تو آپ خود کو کیسے ملیں گی۔ پہلے اپنے دل کو دنیا سے پاک کردیں تو آپ کو اپنا آپ نظر آئیگا ۔آپ کی خودی دنیا کے لہو و لعب میں گھل مل گئ ہے ۔آپ کی نظر آپ کا دل سب ہی اس دنیا کی بے ثباتی میں کھو گۓ ہیں ۔ اس لیۓ خود کو تلاش کرنے سے پہلے اپنے دل کو صاف شفاف آئینہ بنالیں آپ کو آپ خود ہی مل جائیں گی۔ یہ کہتا ہمارا۔ دل ۔۔۔۔ہم سے راز خودی عیاں کرتا چلا گیا ۔ ہمارے دل نے سچ کہا کہ جھوٹ ۔آپ بتائیں۔ ختم