سفر کا سامان ۔۔۔۔طنز و مزاح

-

 "شبو اے شبو "۔اماں کی پکار پر شبو سوتے سے اٹھ بیٹھی۔ 

"دیکھ! تیری خالہ کی مزاج پرسی کو گاؤں جانا ہے ۔ ۔تو میرا بیگ تیار کر دے "۔

"ااچھا اماں ۔لاؤ بیگ تو دو ۔" شبو گو کہ نیند میں تھی مگر اماں کی بات ٹالنے کا مطلب تھا ۔پے درپے سست کاہل کام چور نکمی جیسے القابات معہ تیز و تند نظروں کے ساتھ سننا ٬ شبو جیسی لڑکی کے پاس اتنا حوصلہ نا تھا ۔

"یہ چار جوڑ میرے ۔یہ چار جوڑ تیرے ابا کے "۔انہوں نے کپڑے اپنے بیگ کے قریب رکھے ۔ 

"اچھا ۔لائیں رکھتی جاتی ہوں" ۔ شبو نے کپڑے لیۓ اور اچھے سے تہہ کر کے رکھنے لگی۔ 

"یہ تیری خالہ کو ساڑی ،اور خالو کو کپڑے ۔اور اسکی بہو کے لیۓ سوٹ ۔۔۔۔۔۔"اماں تھیں کہ سامان کا ڈھیر لگارہی تھیں ۔اور شبو اس سامان کو بیگ میں ٹھونسنے کی کوشش میں سر گرداں ۔ 

اور یہ چادریں ۔تولیہ تو ہمارے لیۓ ۔اور میرے اسنو ،پوڈر کا ڈبہ ۔"اماں نے بیگ پر اور سامان دھرا ۔ 

"اری او !خوش بخت ۔ایسا سامان لے جارہی ہے جیسے نئ نویلی دلہن مائکہ جارہی ہے "۔۔تخت پر بڑی دیر سے ان دونوں کو دیکھتے ابا نے اماں کو لتاڑا ۔

"اسنو پاوڈر ۔۔۔۔۔"ابا نے نقل اتاری ۔ 

"دعوت میں جارہی ہے کیا ۔"

"اے دیکھو ۔کیسے کہہ رہے ہیں ۔اور جو پورا پاندان ساتھ جا رہا ہے وہ کس کی شادی کے لیۓ ہے"۔اماں کا جوابی حملہ ہمیشہ سامنے والے کو چاروں شانے چت کر دیتا تھا۔ 

"وہ تو میں اپنے جیب میں ڈال کر چلوں گا "۔ 

"ہونہہ ۔۔۔اگالدان بھی جیب میں ہی رکھ لینا تھا "۔اماں بڑبڑا ئیں تو شبو کو بے ساختہ ہنسی آئ تھی ۔

"اگالدان کون لے کر چل رہا ہے ۔کھڑکیاں ہو تی ہیں ناں ٹرین کی ۔اسی سے کام چلا لیں گے" ۔ ابا کی اپنی منطق تھی ۔ 

اور جو باہر کے مناظر سے لطف اندوز ہونے کے لیۓ کھڑکی کھلی رکھتے ہیں ۔ان کا تو اللہ ہی حافظ ہے ۔ شبو نے اخری تکیہ بھی بیگ میں ٹھونسا ۔

"ویسے کتنے ہفتوں کے لیے جارہے ہیں آپ لوگ"۔یہ شنو تھی ۔اماں کی نا  لایق نا  فایق بہو ۔۔

"دو دن کے لیۓ ۔"اماں نے سائیڈ کی زپ میں اپنا کنگھا گھسایا. 

"کیا صرف دو دن کے لیۓ ۔سامان تو آپ دو مہینے کا لینے جارہی ہیں" ۔ شبو نے ان کو اور سامان کو دیکھ کر کہا ۔

"تو کیا آپ جسم کے کپڑوں پر ہی چلے جائیں"۔  ۔اماں نے اسکی عقل پر ماتم کیا ۔

"سامان سو برس کا ہے پل کی خبر نہیں ۔ "شنو نے اپنی اردو دانی جھاڑی۔ اب اسے یہ پتا تھوڑی تھا کہ وہ اکثر غلط موقعہ پر اپنی اردو دانی کی دھاک بٹھانے کی کوشش کرتی ہے۔ 

بڑی مشکل سے زپ بند کرتی شبو نے ایک ترحم بھری نظر بیگ پر اور اپنی بھابھی پر ڈالی ۔ 

اب اسکے بعد شنو کو اپنی اردودانی کی قیمت کس طرح ادا کرنی پڑی ۔اسکا تو پورا ڈرامہ ہی بنے گا جو کہ یہاں بتانا ممکن نہیں ۔آج کے لیۓ اتنا ہی کافی ہے۔ 


 ۔

 

تبصرے

ایک تبصرہ شائع کریں

اس بلاگ سے مقبول پوسٹس

دی ڈارک ڈیمن ہاؤس ۔۔۔

-
 دی ڈارک ڈیمن ہاؤس ۔۔۔۔کیا ہے اس گھر کا راز  قسط چار  وہ تینوں  تھک کر سو تو گۓ تھے ۔لیکن دو تین گھنے ہوتے ہی ہنری کی آنکھ کھلی تھی ۔ چونکہ  صبح سے وہ بھوکے تھے اور کچھ  بھی نہیں کھا سکے تھے ۔  جارج ۔۔۔اس نے جارج کو آواز دی ۔‌ بھوک لگ رہی ہے یار ۔ وہ اندھیرے میں آنکھیں پھاڑ پھاڑ کر دیکھنے کی کوشش کرنے لگا ۔ اس گھپ اندھیرے میں اسے صرف دو بیڈ اور اس پر لیٹے جارج اور پال ہی نظر آ رہے تھے ۔  اسکی  پکار کو نیند میں دھت جارج اور پال سن نہیں پاۓ تھے۔ اس لیے وہ خود ہی نیچے اتر کر کچن میں جانے کا ارادہ کر چکا تھا۔ ۔ کچھ فروٹ ہی کھا لوں گا یہ سوچ کر اس نے اپنے پیر بیڈ کے نیچے رکھے لیکن اسکے پیر کسی نرم سی چیز سے ٹکراۓ ۔ وہ سمجھ نہیں پا یا کہ یہ کیا ہے ۔  اس نے دوسرا پیر نیچے کیا تو  ویسی ہی نرم سی چیز سے  اسکا دوسرا پیر بھی الجھ گیا ۔ پتا نہیں کیا ہے یہ ۔ اندھیرے میں کچھ سمجھ ہی نہیں آ رہا ۔ اس نے اپنے دونوں پیر اوپر اٹھا لیۓ اور ایک ہاتھ سے نیچے موجود چیز اٹھا لی ۔اور پھر سارا ڈیمن ہاوس اسکی چیخوں سے گونجنے لگا ۔ سانپ ۔جارج ۔۔پال ۔۔یہاں...
مزید پڑھیں

اسکول رے اسکول تیری کونسی کل سیدھی مزاحیہ تحریر

-
اسکول رے اسکول تیری کونسی کل سیدھی        ایک بچے کی فریاد     "اسکول   "ہم پیدا کیا ہوۓ ہمارے  کان میں تیرا ہی ذکر پڑتا رہا ۔ہماری امی تھیں تو وہ اتنی پرجوش کہ بس نہیں چلتا تھا کہ جھولے میں سے سیدھا اسکول بس میں بٹھادیں۔پپا کا تو پوچھیں مت ،وہ ہر آنے جانے والے سے یہی کہہ رہے ہوتے تھے کہ" جی بس دو سال کا ہو جانے دیں پھر تو اسے شہر کے ٹاپ اسکول میں ایڈمشن ہی کرادینا ہے بس "۔اور ہم جھولا جھلتے جھلتے سوچتے کہ پتا نہیں ایسی کونسی جگہ ہے جہاں بھیجنے کے لیے ممی ،پپا اتنے بے تاب ہیں ۔ضرور کوئ اچھی جگہ ہوگی مزیدار سی،ہم منہ میں اپنا انگوٹھا چوستے چوستے سوچتے۔ اور اچھل اچھل کر اپنا بھی جوش دکھاتے ۔ہمارے جوش کا یہ عالم تھاکہ ہم آغوں آغوں کہنے کہ بجاۓ اسکوں اسکوں کرتے تھے۔(پتا نہیں ہمیں اتنا جوش دکھانے کی کیا ضرورت تھی۔ہم نے کونسا اسکول جاکر آینسٹاین بننا تھا  ۔)   دو سال تک مسلسل ہمارے کانوں  میں اسکول سے جڑی ہر معلومات انڈیل دی گئ۔"اسکول یہ ہوتا ہے اسکول وہ ہوتاہے"  ۔"اسکول جانے سے بچوں کو تعلیم حاصل ہوتی ہے. انکا مس...
مزید پڑھیں

پاس ورڈ ۔۔۔۔۔ایک ہنستی مسکراتی تحریر

-
 پاس ورڈ ہماری شبو اور گوگل اسسٹنٹ کا تو آپ نے پڑھا ۔مگر شبو کی فیملی میں صرف اماں ،ابا ہی نہیں ہیں ۔انکی فیملی نمو نوں  سے بھری پڑی ہے ۔اب اسکی بھابھی ہی کو لے لیں ۔انکا نام۔شاہانہ سا تھا جسکو ان لوگوں نے "شنو "کر فقیرانہ کر دیا۔اب آییۓ ٬شبو کے گھر چلتے ہیں۔ اماں صحن جھاڑ رہی ہیں ۔وہ جھاڑتے جھاڑتے شبو کے پاس آتی ہیں ۔ اے ،شبو ،"یہ تیرا  فون کھل نہیں رہا ۔پتا نہیں کیوں ؟" اماں "میں نے موبائل کو تالا لگا دیا ہے ۔"شبو نے احتیاطاً تالا کہا تاکہ وہ الجھن میں نا پڑیں ۔ "ہیں !تالا " "مگر اس میں تو نے کونسا خزانہ رکھا ہے جو تالا لگانے کی ضرورت پڑ گئ۔"اماں کی حیرت واجبی تھی۔ "وہ اماں ۔۔۔۔۔"شبو مخمصہ میں پڑ گئ۔ "اگر لاک نا کریں تو کوئ بھی آپ کا فون کھول کر دیکھ سکتا ہے ۔فوٹوز وغیرہ 'اس لیۓ لگاتے ہیں ۔" ا"اب کالج جاتی ہوں تو کئ لڑکیاں میرا فون کھول کر گھر کے ،آپ کے فوٹوز دیکھ لیتی ہیں ۔خوامخواہ کا مذاق بنتا ہے ۔" "تو وہ کونسی کہیں کی حور پری ہیں ۔برتن بگونوں جیسے تو منہ ہیں سب کے " اماں نے برا سا منہ بن...
مزید پڑھیں