سب کی آتی نہیں ہماری جاتی نہیں ایک مزاحیہ تحریر

-
سب کی آتی نہیں ہماری جاتی نہیں
سب کی آتی نہیں ہماری جاتی نہیں ،یہ کیا آتی نہیں جاتی نہیں لگا رکھا ہے۔وہ بڑبڑارہی تھی کہ شانو جھلا اٹھی۔آپ کو دیکھنے آرہے ہیں لڑکے والے،امی نے آپ کو تیار رہنے کے لیے کہا ہے۔
آپو،ویسے کیا آپ دیکھنے والی چیز ہیں؟
ہاں ٹکٹ لگانے کا سوچ رہی ہوں۔مانو جل کر بولی۔
مہمان آچکے تھے۔مانو مکمل تیاری میں تھی۔آپ کا نام ؟
نام؟نام میں کیا رکھا ہے آنٹی جی، (آپ کو تو دھن دولت سے غرض ہوگی۔)
جی مانو ۔
مانو ،برا مت ماننا بیٹا،یہ نام تمہارا نہیں بلی کا زیادہ لگ رہا ہے۔
جی جی،(بلی کے خاندان سے ہی ہوں ،پنجہ جھاڑ آپ کے پیچھے پڑ جاو۶ں گی دیکھ لینا۔)
کیا پکا لیتی ہو؟
جی کسی کا بھی دماغ ،
جی ؟
آں سب پکاتی ہوں ۔
اچھا کیا پڑھتی ہو۔؟
(آپ جیسوں کی نیت اچھے سے پڑھ لیتی ہوں۔)
جی بس ،اخبار ،
اوہ،ہمارے بیٹے نے انجینیرنگ کیا ہوا ہے کہتے ہوے۶ آنٹی کچھ اور پھولیں۔
ہاں،؟
مانو کے ہاتھ میں پانی کا گلاس تھا۔وہ پانی پیتے پیتے رک گی۶ تھی۔لگتا ہے بیٹی تمہیں فرج کے پانی کی عادت ہے سادہ پانی پی نہیں پارہی تم ؟ وہ اپنے مطلب پر آگی۶ تھیں۔
جی نہیں مجھے فرج کے پانی کی عادت بلکل نہیں ہے ۔اس نے غٹا غٹ پانی چڑھا لیا۔
اچھا،ویسے گرمی بہت ہے۔اے سی تو ہوگا ناں ،وہ ہاتھ کا پنکھا جھلنے لگیں۔
ہاں(آپ کو کونسا چاہیے۶اے سی یا ڈی سی والا)
آپ یہ جوس لیں ناں امی نے جلدی سے مداخلت کی۔
دیکھیں آپ بچہ کے لیے پانچ لاکھ کا انتظام کردیں گورنمنٹ سرونٹ ہوگا تو ہر ماہ پانچ لاکھ تو کہیں نہیں گے۶
امی پہلے آی۶ فون کا تو کہیں ۔
للو میاں نے مداخلت کی۔
(ٹوکیا کے بیسک ماڈل والا منہ  ہے۔اور چاہیے۶ آی فون۔)
آپ نے انجینیرنگ کتنے سال میں پاس کی۔
اس نے امی کی گھورتی نظروں کی پرواہ نہ کرتے ہوے۶ ڈایرکٹ لڑکے سے سوال کیا۔
جی ؟للو الو کی طرح دیکھنے لگا۔
نہیں میرا مطلب ہے آپ نے کتنے سال لگاے۶ پونے تین سال،تین سال یا دس سال ،واہ کیا آپشن دیے۶ ہیں اس نے اپنے آپ کو تھپکی دی ۔للو کنفیوز ،کیا کہے ،جی تین سال میں ۔آخر اسے جواب سوجھا۔
ہاں،وہ امی کو شرارتی نظروں سے دیکھنے لگی۔
آپ افورڈ تو کر سکیں گے ناں پانچ لاکھ؟آنٹی کو اپنی پڑی تھی۔وہ جلدی سے فاینل کرنا چاہ رہی تھی۔
آنٹی ،ہمارے یہاں جمعرات بازار لگتا ہے وہاں سکنڈ ہینڈ چیزیں خریدی ،بیچی جاتی ہیں بولی لگا کر،بیکار چیزوں کی اچھی قیمت مل جاتی ہے۔آپ اپنے بیٹے کے لیے وہاں ٹرای۶ کریں۔ایک روپیہ سے بولی سٹارٹ ہو گی اور پانچ تک فاینل کرلیجیۓ ۔یقین مانیے،آپ کے بیٹے کے لیے پانچ روپیہ بھی کافی اچھی قیمت ہے۔مانو کا کمینہ پن شروع ہو گیا  تھا۔
کیا کہا آپ نے ،ایسی بے عزتی،آنٹی تلملا اٹھیں۔
اٹھ بیٹے اٹھ،اب یہاں ایک پل نہیں رکنا،وہ للو کو کہ رہی تھیں ۔للو جوس ختم کرنے میں لگاتھا۔
للو؟
امی جوس تو ختم کرلوں۔للو جلدی جلدی جوس پینے لگا۔
یاد رکھیے گا آپ لوگ ایسے بدنام کروں گی محلے میں آپ لوگوں کو کہ آپ بھی کیا یاد کرینگے۔وہ آنٹی سے چڑیل لگنے لگی۔
اچھا،آپ ہمیں کیا بدنام کریں گی ،میں نے آپکی تمام گفتگو ریکارڈ کر لی ہے۔سو شل میڈیا  پر اپ لوڈ کرونگی،ہیش ٹاگ کے ساتھ،سب کی   آتی نہیں ہماری  جاتی نہیں،شاید آپ کو شرم  غیرت آجاے۶، مانو کا وار،اگلا وہیں ڈھیر
آپ نے غلط آپشن دیے تھے انجینئرنگ پانچ سال کی ہو تی ہے ۔للو کی دماغ کی بتی جوس پی کر چالو ہو گی۶ تھی۔
ہاں اسے اچھے  سے رٹ لو ۔آگے کام آیگی۔
مانو نے اسے باہر جانے کا راستہ بتا دیا۔
آپو،شانو اندر آی۶۔ ہوں
اگر اس کو دیکھنے کےلیے ٹکٹ لگایں تو ۔۔۔۔۔
مانو ہنسنے لگی۔سب کی  آتی نہیں ہماری  جاتی نہیں ۔

تبصرے

ایک تبصرہ شائع کریں

اس بلاگ سے مقبول پوسٹس

اسکول رے اسکول تیری کونسی کل سیدھی مزاحیہ تحریر

-
اسکول رے اسکول تیری کونسی کل سیدھی        ایک بچے کی فریاد     "اسکول   "ہم پیدا کیا ہوۓ ہمارے  کان میں تیرا ہی ذکر پڑتا رہا ۔ہماری امی تھیں تو وہ اتنی پرجوش کہ بس نہیں چلتا تھا کہ جھولے میں سے سیدھا اسکول بس میں بٹھادیں۔پپا کا تو پوچھیں مت ،وہ ہر آنے جانے والے سے یہی کہہ رہے ہوتے تھے کہ" جی بس دو سال کا ہو جانے دیں پھر تو اسے شہر کے ٹاپ اسکول میں ایڈمشن ہی کرادینا ہے بس "۔اور ہم جھولا جھلتے جھلتے سوچتے کہ پتا نہیں ایسی کونسی جگہ ہے جہاں بھیجنے کے لیے ممی ،پپا اتنے بے تاب ہیں ۔ضرور کوئ اچھی جگہ ہوگی مزیدار سی،ہم منہ میں اپنا انگوٹھا چوستے چوستے سوچتے۔ اور اچھل اچھل کر اپنا بھی جوش دکھاتے ۔ہمارے جوش کا یہ عالم تھاکہ ہم آغوں آغوں کہنے کہ بجاۓ اسکوں اسکوں کرتے تھے۔(پتا نہیں ہمیں اتنا جوش دکھانے کی کیا ضرورت تھی۔ہم نے کونسا اسکول جاکر آینسٹاین بننا تھا  ۔)   دو سال تک مسلسل ہمارے کانوں  میں اسکول سے جڑی ہر معلومات انڈیل دی گئ۔"اسکول یہ ہوتا ہے اسکول وہ ہوتاہے"  ۔"اسکول جانے سے بچوں کو تعلیم حاصل ہوتی ہے. انکا مس...
مزید پڑھیں

قلم اور اہل قلم

-
تصویر
قلم اور اہل قلم یوں تو قلم سے انسان کا رشتہ پرانا ہے۔مگر زمانہ قدیم میں قلم کی جگہ پرندوں کے پر وغیرہ استعمال کۓ جاتے تھے  تھے۔رفتہ رفتہ زمانہ کی ترقی کے ساتھ قلم کو بھی ترقی سوجھی اور وہ پرانے طرز کے قلم سے جدید قلم بن گیا ۔اور اس نے اپنا چولا ہی بدل  دیا۔اب بھلا اگلے وقتوں کے لوگ (چچا غالب) کہاں سوچ سکتے تھےکہ آگے ایسا بھی ہوگا کہ حضرت انسان لکھیں گےمگر پر والے پن سے نہی ،بال پواینٹ  پن سے جس میں نہ سیاہی دوات کی جھنجھٹ ،نہ روشنائ کا گہرا ،مدھم ہونے کا ڈر ،قلم ہاتھ میں لیا تو بس لکھتے چلے جاؤ,لفظ ہاتھوں اور قلم سے جیسے پھسلتے جا رہے ہیں اور کاغذ پر ابھرتے چلے آرہے ہیں۔بال پن کا اک فائدہ ہے کہ لفظ تیزی سے بنتے چلے جاتے ہیں۔اب زمانہ بھی تو بھاگتا ہوا زمانہ ہے۔اب کون چچا غالب کی طرح قلم دوات لیے ،بیاض لیے گھنٹوں مشق سخن کرے گا ۔لیکن پہلے بھی تو اہل قلم ہوتے تھے ،کہاں وہ تحریر کی خوش خطی،جمے ہوے الفاظ ایسے جیسے موتی پروۓہوں۔خیال کی ندرت ایسی کہ پڑھتے ہی طبعیت باغ با غ ہو جاتی تھی بلکہ آج بھی ہوتی ہے۔آج بھی اس زمانہ کی تحریر پڑھیں وہ تحریر تروتازہ محسوس ہوگی۔...
مزید پڑھیں

گوگل اسسٹنٹ

-
گوگل اسسٹنٹ "اوکے! گوگل پلیز ٹیل می دا سپیللنگز آف ۔۔۔۔۔" وہ اپنے فون پر گوگل اسسٹنٹ لگائ بات کر رہی تھی " ۔ہیلو 'ہیلو ' اوکے! گوگل " "اے شبو !"تو یہاں بیٹھی کس سے بات کر رہی ہے "۔اماں نجانے کب سے اسے دیکھ رہی تھیں۔  گاؤں کے اس پسماندہ سے علاقے کے ایک گھر میں وہ اپنا اسمارٹ فون کھولے بیٹھی تھی ۔اوور اب ٹائیپنگ سے بچنے کے لیۓ اس نے گوگل اسسٹنٹ لگا لیا تھا ۔  ۔یہ اسکی بدقسمتی تھی کہ اماں کے سامنے لگا لیا تھا۔اور ایسا لگ‌رہا تھا کہ ابھی کچھ دیر بعد اسے اپنی غلطی کا احساس ہو نے والا تھا۔  "ارے اماں۔میں تو گوگل سے بات کر رہی تھی" " ۔وہی تو پوچھ رہی ہوں کہ یہ موا" گوگل" کون ہے ۔جس سے پٹر پٹر باتیں کر رہی ہو "۔وہ روٹی پکاتے پکاتے پکاتے اسکے سر پر پہنچ گی تھیں ۔ "ارے اماں' ہمیں اگر کچھ بھی معلوم کرنا ہو تو گوگل مدد کرتا ہے" ۔اس نے آسان لفظوں میں سمجھانا چاہا ۔ "مطلب' اسکو کام دھندہ نہیں ہے اور"...." تم کو بھی نہیں "۔"یہ تو پتا لگ رہا ہے" ۔ "اففوہ اماں...
مزید پڑھیں